لميمة يا زينة التبسيمة

لميمة
لميمة يازينة التبسيمة
ياالساكنة القلب ديما يا لمكبرا بينا
يا لمضويا الدار علينا
انت فراشنا وانت غطانا انت الدار الساترة عرانا ضحكتك ما تزول
وكلامك معقول .طعامك يداوي البطن الى كان معلوم
نهار عيدك نهار كبير يفرح فيه الصغير والكبير
لميمة يازينة التبسيمة
انت الكنز وانت المال
من حب لولاد تتسبقي الجبال
تحسي بالجوع وتمسحي الدموع
تبغي تشوفي الولد راجل ما يتهان
وتشوفي البنت يتضرب بها المثال
لميمة يازينة التبسيمة
حملتيني تسع شهور واعطيتيني حليب الصدر
ركبتيني على الظهر افرشت ليا الحجر
اش من قلب عليك غادي يصبر
ما عندي فراق عليك حتى تجي الموت تديني ولى تديك
تم عاد غادي نخليك
والتراب اللي غادي يغطيني ويغطيك
هو اللي غادي يفصل الشوفة فيا وفيك
لميمة يازينة التبسيمة
كلمتك احلى من كل انسان
قربك كب عطف وحنان
اقلبك اجمل بستان نجنيه من عام لعام
لميمة يازينة التبسيمة
الى مت الله يحفظك فراقك يشيب الراس
وطير النعاس ما يحلى ليا شريب الكاس
الى تحلى ليا الكلسة مع الناس
لميمة يازينة التبسيمة
مثلتك شجرة تمتع النظر اتعطي الظل والثمر
مانبغي ورقتها تطيح ولا عودها يتكسر
واش من قلب عليك غادي يصبر
لميمة يازينة التبسيمة

شكرا لكل أم عانت لتربيتنا وتطعيمنا والسهر على راحتنا
ما أحلى كلمة الأم التي تصبر على كل شيء لتسعدنا
ونحن مالدي نفعله لأجلها؟
يجب علينا يا أعزائها أن نشكرها وندعو الله لكي يحفظها ويسترها
من كل شر وأن نحترمها فهي نعمة لكل إنسان على كوكب الأرض

أحسنت قولا عزيزتي
بارك الله فيك

آمين وشكرا لك على تشجيعك