سولتيني يا لميمة على بلادي .. بلادي رضينا فيها بالهم والهم ما رضا بينا
بلادي يا لميمة عايشين فيها ناسها غراب ... شي عندو لفيرمات والقصور وشي عايش في العداب
بلادي خطفوها .. وسرقوها .. وخلاو الصغير فولادها شاب
بلادي يا لميمة باعوها لبراني .. وعلى المسكين لعيشة مرارت وغلات
بلادي يا لميمة فيها المخزن واكل وعين الفقير من حر الجوع بكات
بلادي .. بلاد الخير لي كروش لحرام كلاتو وخلات ولادنا في البحور ماتو ..
بلادي .. يا بلادي .. ردو العيشة في دروبك هم وعداب وأمل المسكين فولادك خاب
بلادي مال سوايعك ولات حابسة .. ومال يامك ولات عابسة
عايشين غراب في بلادك يا بلادي حيت أحوالك ردوها عجيبة
يامك يا بلادي ولات قاسية والعيشة فيك ولات عاصية يا بلادي
فيك يا بلادي مزال الناس كتموت من البرد ولي سارقينك ناعسين في القصور مرتاحين وعايشين في السعد
الله .. الله يا بلادي يمتى ترجعي لحضن ولادك .. يمتى
بلادي يمتى باش يسولوني عليك نقول ليهم انك رجعت لولادك .. رجعت كما كنت تحضني ناسك وتلفضي ليدوسك